Home Business අගමැති ඉල්ලීම මත ඇමරිකාවෙන් ශ්‍රී ලංකාවට ඩොලර් මිලියන 480ක ප්‍රදානයක් -වසර 5 ක් තුළ ප්‍රධාන ව්‍යාපෘති තුනක්

අගමැති ඉල්ලීම මත ඇමරිකාවෙන් ශ්‍රී ලංකාවට ඩොලර් මිලියන 480ක ප්‍රදානයක් -වසර 5 ක් තුළ ප්‍රධාන ව්‍යාපෘති තුනක්

1 second read
0
0

ඇමරිකානු එක්සත් ජනපද ආණ්ඩුවට අයත් ආයතනයක් වන ‘මිලේනියම් චැලෙන්ජ් කෝපරේෂන් ආයතනය විසින් ශ්‍රී ලංකාවට ඩොලර් මිලියන 480 ක ප්‍රදානයක් ලබා දීමට තීරණය කර ඇත.

2019 අප්‍රේල් මස 25 වන දින වොෂින්ටනයේදී මෙම තීරණයට එළැඹ ඇත්තේ ශ්‍රී ලංකා අග්‍රාමාත්‍ය රනිල් වික්‍රමසිංහ මහතා විසින් කරන ලද ඉල්ලීමකට ප්‍රතිචාර දක්වමිනි.

මෙම ප්‍රදානය යටතේ ප්‍රධාන ව්‍යාපෘති තුනක් ක්‍රියාත්මක කිරීම සඳහා ඇමරිකානු ඩොලර් මිලියන 480 ක් (ආසන්න වශයෙන් රුපියල් මිලියන 84,000 ක් පමණ ) ශ්‍රී ලංකාවට ලැබෙන අතර එම ව්‍යාපෘති සම්පූර්ණ කිරීමට වසර 5 ක කාලයක් ලැබේ.

රථ වාහන ගමනා ගමන වේගය වැඩි කිරීම, ගමාගමනයට ගතවන කාලය අඩු කිරීම, රථවාහන දුම අඩු කිරීම සහ අනතුරු අවම කිරීම මගින් රථ වාහන තද බදය අවම කිරීම සහ රජයේ බස් රථ සහ පෞද්ගලික බස් රථ ඇතුළත් ගමනාගමන සේවය නව්‍යකරණය කිරීම ඇතුළත් වන කොළඹ මහානගර බලප්‍රදේශය තුළ විශේෂ ගමනාගමන සංවර්ධන වැඩසටහනක් ක්‍රියාත්මක කිරීම එයින් එකකි.

සමරගමුව, ඌව, නැගෙනහිර, උතුරු මැද, මධ්‍යම සහ වයඹ පළාත් කොළඹ වෙළෙඳපොළවලට සහ අපනයන කේන්ද්‍රස්ථානයට සම්බන්ධ කෙරෙන මධ්‍යම වටරවුම් මාර්ගයට අදාළ කිලෝමීටර 131 ක මාර්ග ජාල වැඩි දියුණු කිරීම ද මේ යටතේ සිදු වෙයි.

(news.lk) අප්‍රේල් 26, 2019

Load More Related Articles
Load More By admin
Load More In Business

Leave a Reply

Your email address will not be published. Required fields are marked *

Check Also

ඇමරිකානු ගුවන් හමුදාව ගුවනේදී මිසයිල විනාශ කිරීමේ හැකියවති ලේසර් පද්ධතියක් අත්හදා බලයි

ඇමෙරිකානු ගුවන් හමුදාව විසින් ගුවනේදී මිසයිල කිහිපයක් එක වර විනාශ කළ හැකි Laser weapon sys…